Á spítala með samfallið lunga: „Ég er brjálaður“

Knatt­spyrnu­þjálf­ar­inn Phil Park­in­son var brjál­aður eftir leik Wrexham, sem hann þjálfar, og Manchester United.

Liðin tvö átt­ust við í æfing­ar­leik í Banda­ríkj­unum en Wrexham-liðið hefur verið mikið í sviðs­ljós­inu und­an­farin ár eftir að leik­ar­arnir Ryan Reynolds and Rob McElhenney keyptu liðið. Lið hefur spilað í ensku utandeild­inni und­an­farin ár en mun á næsta tíma­bili spila í fjórðu efstu deild Englands. 

Wrexham vann leik­inn 3-1 en lit­að­ist leik­ur­inn af því að Paul Mullin, einn besti leik­maður liðs­ins, lenti í sam­stuði við Nathan Bishop, mark­mann Manchester United, og þurfti í fram­haldi þess að fara upp á sjúkra­hús með sam­fallið lunga. Leik­mað­ur­inn greindi frá síðar á sam­fé­lags­miðlum að hann væri í góðu lagi.

„Ég er brjál­aður ef ég á að vera hrein­skil­inn. Þetta var klaufa­legt og kæru­laust brot í leik á und­ir­bú­ings­tíma­bili og ég er alls ekki sáttur við þetta. Ég hef ekki séð mark­vörð­inn ennþá og ég held að það sé best fyrir hann að halda sig fjarri okkur því við erum ekki ánægðir með hann,“ sagði Phil Park­in­son eftir leik­inn.