Lögreglan kennir börnum um meirihluta umferðarslysa: „Svo eru þessir krakkar“

Börn bera ábyrgð á meiri­hluta umferð­ar­slysa segir Árni Frið­leifs­son, aðal­varð­stjóri.

„Það sem er slá­andi er að af þessum nítján eru tólf smá­far­ar­tækjaslys, það er reið­hjól, vespur og raf­magns­vespum. Í nán­ast öllum til­vikum eru þetta ungt fólk, krakkar,“ sagði Árni Frið­leifs­son, aðal­varð­stjóri, í við­tali á Bylgj­unni.

Árni vill meina að þetta sé vanda­mál sem muni stækka þegar skól­inn byrjar aftur.

„Það er bara verið að keyra á reið­hjóla­menn til dæmis á bíla­stæðum við versl­anir. Svo eru þessir krakkar sem eru á raf­hlaupa­hjólum og vespum, þetta er nýr veru­leiki fyrir okkur sem erum í umferð­inni. Þau eru að skjót­ast hingað og þangað og eru að lenda fyrir bílum. Nú er ágúst framundan og skól­arnir að byrja, þá eykst þetta til muna. Við verðum að biðla til allra sem eru í umferð­inni að taka til­lit til þessa hóps.“

Árni sagði einnig að algengt væri að börnin færu oft mörg í einu á eitt öku­tæki og noti ekki hjálm. Þá fari þau ekki eftir öðrum umferð­ar­lögum.

„Þau keyra eftir göngu­stíg og þvera bara götu án þess að horfa til hægri eða vinstri. Það kemur auð­vitað bíll og beint á þau. Þetta er bara allt of algengt.“