Háskólaprófessor tekur undir áhyggjur lögreglumanna: „Það er al­ger­lega óviðun­andi“

Helgi Gunn­laugs­son, pró­fess­or í af­brota­fræði við HÍ, segir vinnu­að­stæður lög­reglu­manna óvið­un­andi.

Í sam­tali við mbl.is sagði Helgi Gunn­laugs­son, pró­fess­or í af­brota­fræði við HÍ, að það sé óásætt­an­legt að lög­reglu­menn geti búist við hót­unum í vinn­unni en lög­reglu­menn segja vinnu­um­hverfi þeirra fara versn­andi.  

„Lög­reglu­menn eru op­in­ber­ir emb­ætt­is­menn sem eru að sinna sín­um starfs­skyld­um og það er al­ger­lega óviðun­andi að þeir þurfi að búa við slíkt um­hverfi og þola hót­an­ir og fleira,“ sagði Helgi um málið en þó að lög­reglu­menn hafi alltaf þurft að takast á við hót­anir þá virð­ist þeim vera fjölga og sé algeng­ara að staðið sé við þær. „Það er áhyggju­efni, að sjálf­sögðu mest fyr­ir þá lög­reglu­menn sem eru á vett­vangi en þetta er líka áhyggju­efni fyr­ir okk­ur sem sam­fé­lag, því þeir eru okk­ar full­trú­ar sem gæta al­manna­ör­ygg­is. Við vilj­um að sjálf­sögðu að þeir séu ör­ugg­ir í sínu starfi og þetta vilj­um við því ekki sjá og þurf­um að draga sem mest úr.“