Margfaldur Íslandsmeistari hættir heilsunnar vegna: „Þrálátir verkir og vanlíðan“

Katla Björg Dag­bjars­dóttir, þre­faldur Íslands­meist­ari í svigi, er hætt vegna meiðsla

Lífið hefur ekki verið samt fyrir Kötlu Dag­bjarts­dóttur síðan hún rot­að­ist á æfingu fyrir 17 mán­uðum síðan. Þrálátir verkir og van­líðan valda því að hún hefur ákveðið að leggja skíðin á hill­una. Katla er ein besta skíða­kona í sögu Íslands.

„Lands­liðs­konan Katla Björg hefur verið að glíma við höf­uð­meiðsli síð­ast­liðna 17 mán­uði eftir að hún rot­að­ist á æfingu dag­inn fyrir Skíðamót Íslands 2022. Þrálátir verkir og van­líðan hafa gert það að verkum að hún tekur þá ákvörðun að hætta og setja heils­una í fyrsta sæti.

Á ferl­inum tók Katla Björg þátt á tveimur Heims­meist­ara­mótum full­orð­inna, þar náði hún besta árangri íslenskra kvenna í stór­svigi í Cortina árið 2021 og hafn­aði í 34. sæti. Einnig hefur hún tekið þátt á tveimur Heims­meist­ara­mótum ung­linga. Katla Björg sigr­aði tvö alþjóð­leg svig­mót full­orð­inna á erlendri grundu og hafn­aði sex sinnum á verð­launa­palli á slíkum mótum. Auk þess sigr­aði Katla Björg fjöl­mörg bik­ar­mót á Íslandi á ferl­inum ásamt því að vera marg­fald

ur ung­linga­meist­ari sem og bik­ar­meist­ari. Síð­ast­liðið vor land­aði hún svo þremur Íslands­meist­aratitlum í full­orð­ins flokki, svigi, stór­svigi og alpat­ví­k­eppni. 

Það er mik­il­vægt fyrir yngri iðk­endur skíða­fé­lags­ins að eiga góðar fyr­ir­myndir eins og Katla hefur ávallt verið. Skíða­fé­lagið óskar Kötlu vel­farn­aðar í því sem hún tekur sér fyrir hendur. 

Katla Björg vill koma á fram­færi þökkum til styrkt­ar­að­ila, þjálf­ara, liðs­fé­laga, keppi­nauta og ann­arra sem stutt hafa við bakið á henni í gegnum árin,“ segir í til­kynn­ingu frá Skíða­fé­lagi Akur­eyrar