Bygging brúar yfir Þorskafjörð langt á undan áætlun: „Þetta hefur gengið mjög vel“

Vel gengur að byggja nýja brú yfir Þorska­fjörð.

Brúin yfir fjörðin er 260 metrar á lengd en smíði hennar hefur gengið vel að sögn verk­stjóra þess og eru líkur á að hún opni hálfu ári á undan áætlun.

„Þetta hefur gengið mjög vel. Brú­ar­smíðin gekk mjög vel. Okkur tókst að steypa seinni hlut­ann í brú­ar­gólf­inu í byrjun nóv­em­ber í fyrra, sem réði mestu um það að við erum komin svona langt,“ sagði Einar Valur Val­garðs­son, verk­stjóri Suð­ur­verks, í sam­tali við Vísi.

„Góðir karlar sem við erum með hérna og allir sam­þykkir því að byggja hér fal­legt og mikið mann­virki á sem skemmstum tíma,“ sagði Einar og telur að fram­kvæmdum verði lokið fyrr en áætlað var.