Glúmur Baldvinsson hæðist að orðum Páls Winkel um nýtt nafn í stað Litla-Hrauns.
Páll Winkel sagðist í fréttum í gær fagna fréttum um nýtt fangelsi í stað Litla-Hrauns og sagði að nýja fangelsi ætti að fá nýtt nafn, því það sé „greipt inn í huga þjóðarinnar að það að „fara á Hraunið“ sé botn tilverunnar.“ Þessu gerir Glúmur Baldvinsson grín að.
Glúmur Baldvinsson, fyrrverandi forsetaframbjóðandi, gerir stólpagrín að orðum Páls í færslu á Facebook. Þar segir hann að á Sturlungaöld hafi menn verið sturlaðir en það hafi svo ekki þótt nógu fínt og þá hafi menn orðið brjálaðir. Það þótti svo ekki lengur við hæfi og því urðu menn geðveikir, og svo koll af kolli. Hér má sjá færsluna:
„Litla Hraun fær nýtt nafn því það vekur slæmar hugrenningar af því nafnið er of samofið hugtakinu fangelsi. Svo þá verður að hressa uppá það. Svipað gildir um annað neikvætt.
Í upphafi voru menn sturlaðir á Sturlungaöld en svo þótti það ekki nógu fínt svo menn urðu brjálaðir. En svo þótti það ekki lengur við hæfi svo allir urðu þá geðveikir. En þá rann upp sá dagur að það þótti meiðandi svo menn urðu geðfatlaðir þar til það varð svo særandi að nú búa menn við geðrænar áskoranir. Hvar enda þessi ósköp? Hvernig getum við sætt öll þessi önnur sturluðu sjónarmið?Vér lofum yður einu: Það verður aldrei fundið upp það alheimsorð sem sættir alla alls staðar. Ekki einu sinni og allra síst Amen. Amen.“
Athugasemdir