Björgunarsveit bjargaði hundi: „Þetta er fín æfing“

Hund­ur­inn þurfti á björgun að halda.

Í fyrra­dag þurfti að kalla úr björg­un­ar­sveit­ina Báru á Djúpa­vogi vegna þess að smala­hundur kom sér í sjálf­heldu þegar hann var að smala. Kindur létu sig hverfa á meðan. Frá þessu greinir Aust­ur­frétt.

„Það var auð­velt að kom­ast að honum ofan frá. Við þurftum að síga 7-8 metra niður að honum og síðan 10 metra niður. Hann var rólegur allan tím­ann og feg­inn að kom­ast í bak­pok­ann,“ sagði Ingi Ragn­ars­son, for­maður björg­un­ar­sveit­ar­innar, en atvikið átti sér stað í Hofsdal inn af Álfta­firði.

Í frétt Aust­ur­frétt er sagt frá að það komi fyrir að björg­un­ar­sveitir þurfi að bjarga kindum í sjálf­heldu. „Það eru nokkur ár síðan við gerðum það síð­ast. En þetta er fín æfing, þótt þetta séu dýr,“ sagði Ingi í því sam­hengi.