Forstjóri HS Orku hefur enga skoðun á nýja skattinum: „Skaðinn yrði gríðarlegur“

Tómas Már Sig­urðs­son, for­stjóri HS Orku seg­ist ekki hafa neina skoðun á því hvernig rík­is­valdið hyggst greiða fyrir verndun og upp­bygg­ingu inn­viða við Svarts­engi.

Hinn nýji skattur sem Katrín Jak­obs­dóttir for­sæt­is­ráð­herra lagði fram meðal ann­ars til að fjár­magna bygg­ingu varn­ar­garða við Svarts­engi, og var sam­þykktur af sam­starfs­flokkum hennar í rík­is­stjórn, hefur farið öfugt ofan í marga enda er það þekkt að auð­velt sé að setja nýja skatta en erf­ið­ara að hætta með þá aftur. Eitt af því sem gagn­rýnt hefur verið er það að stærstu einka­fyr­ir­tækin á Reykja­nes­inu, HS Orka og Bláa lónið, sé ekki látið taka hluta kosn­að­ar­ins við bygg­ingu varn­ar­garð­ar­ins.

Langur aðdragandi

Tómas Már segir að málið hafi haft langan aðdrag­anda.

„Þetta mál hefur haft langan aðdrag­anda. Þegar jarð­hrær­ing­arnar byrja 2020 setja stjórn­völd saman sér­staka ráð­herra­nefnd og síðan er búinn til sér­fræð­inga­hópur sem er lát­inn kort­leggja allar áhættur og hvað þurfi að gera almennt séð, svona þegar jarð­hrær­ingar koma yfir. Síðan kemur til­laga frá sér­fræð­inga­hópnum núna en það vill svo til að við erum í miðjum jarð­hrær­ingum en þetta er búið að vera í miklum und­ir­bún­ingi, hvernig bregð­ast eigi við.“

Segir Tómas að það komi fram í grein­ar­gerð með frum­varpi Katrínar að það sé meðal frum­skyldna rík­is­valds­ins að vernda mik­il­væga inn­viði sam­fé­lags­ins. „Svarts­engi er að skaffa heitt vatn á varn­ar­liðs­svæði, á flug­völl­inn, 30.000 manna byggð og fullt af fyr­ir­tækjum. Skaðinn, ef þetta dettur út, er það gríð­ar­legur að það rétt­lætir full­kom­lega að líta á Svarts­engi sem mik­il­vægan inn­við. En hvernig rík­is­valdið ætlar að fjár­magna þetta, ég hef enga skoðun á því.“

Á ekki bara við HS Orku

Aðspurður hvort að aðstoð frá rík­inu komi ekki spánskt fyrir sjónir þegar einka­fyr­ir­tæki sem græðir millj­arða króna á hverju ári, á í hlut svarar Tómas því neit­andi. „Þegar það eru sjáv­ar­flóð við hafnir eða snjó­flóð, þá kemur ríkið og bjargar.“ Segir hann að þetta eigi ekki ein­ungis við um HS Orku, heldur almennt þegar umhverf­isvá steðjar að, þá sé það í höndum rík­is­ins að stíga inn í. Þá segir hann að „þetta tól hafi ekki verið á færi Almanna­varna fyrr en núna, þegar nýju lögin voru sett.“