Suður Afríka kærði Ísrael fyrir þjóðarmorð á Gaza og flutti mál sitt fyrir Alþjóðadómstólnum í Haag í gær. Kristinn Hrafnsson deildi samantekt írska lögmannsins sem sækir málið gegn Ísrael.
Ritstjóri Wikileaks, Kristinn Hrafnsson deildi myndbandi á Facebook þar sem írski lögmaðurinn Blinne Ní Ghrâlaigh, fara yfir viðbjóðinn sem enn er í gangi á Gaza. Við myndbandið skrifaði Kristinn færslu þar sem hann segist hafa átt erfitt með að hlusta á málflutning lögmannsins.
„„Á degi hverjum er annar fóturinn eða báðir skornir af meira en tíu palestínskum börnum, í mörgum tilfellum án deyfingar.“ Þó maður hafi fylgst með viðbjóðinum á Gaza býsna vel var erfitt að hlusta á málflutning Blinne Ní Ghrâlaigh, írska lögmannsins sem sækir þjóðarmorðsmálið gegn Ísrael. Hlustið. Horfið.“
Þannig hefst færsla Kristins og heldur áfram. „Þetta er hrikaleg samantekt, flutt af yfirvegun og í lagalegu samhengi. Þögn ríkisstjórna í okkar heimshluta er hrópandi. Þetta er réttarhald um margt meira en viðbjóðinn frá Ísraelsstjórn. Þarna verður felldur dómur um forystuhlutverk Vesturlanda í heiminum. Í raun er sá dómur þegar fallinn.“
Lokaorð Kristins eru sterk.
„Aldrei aftur geta vestræn ríki sveipað um sig innantóman orðskrúð um háleit gildi.Þau gildi liggja dáinn og grafin í rústum Gaza.“
Athugasemdir