Grindvíkingur furðar sig á samskiptaleysi: „Kíkja aftur og aftur og sjá ekkert!“

Björn Birg­is­son furðar sig á sam­skipta­leysi milli yfir­valda og Grind­vík­inga.

Sam­fé­lags­rýn­ir­inn frá Grinda­vík, Björn Birg­is­son skrif­aði Facebook-færslu í morgun þar sem hann hneyksl­ast á því hversu erfitt það sé fyrir Grind­vík­inga að fá upp­lýs­ingar um sína hagi.

„Merki­legt.

Tæknin til raf­rænna sam­skipta yfir höf og lönd, af jörðu til hálofta, af hafs­botni til yfir­borðs, jafn­vel til tungls­ins, á milli lands­hluta, meira að segja á milli húsa í göngu­færi, hefur aldrei í sög­unni verið meiri og betri.Samt er það svo að nú þurfa Grind­vík­ingar í bið­stöðu að kíkja á tölvu­póst­inn sinn margoft á degi hverjum í von um að fá ein­hverjar upp­lýs­ingar um sín mál, jafn­vel afkomu og fjár­hag til fram­tíðar!“ Þannig hefst færsla Björns og heldur svo áfram: „Kíkja aftur og aftur og sjá ekk­ert! Frétta ekk­ert um sín eigin mál jafn­vel svo vikum skiptir! Hvaða tækni á eftir að finna upp til að kippa þessu í lið­inn? Eða þarf kannski að klóna fólk sem vill tala við annað fólk undir fjögur augu, eða bara sím­leiðis til vara?“

Að lokum segi hann Grind­vík­inga bíða með önd­ina í háls­inum.

„Þó ekki væri nema til að kunna að senda fjöl­póst í tölvu­póst­hólf fólks sem bíður með önd­ina í háls­inum eftir fréttum sem varða fram­tíð þess – eftir að það tap­aði for­tíð­inni að mestu.“