Helga Þórisdóttir: „Staðfesta mín hefur farið fyrir brjóstið á valdamiklu fólki á æðstu stöðum“

Helga Þór­is­dóttir for­seta­fram­bjóð­andi er á því að þjóðin ráði hversu lengi for­seti sitji í emb­ætti. Segist hún vilja setja þjóð­ina sjálfa á stall, verði hún kosin. Þá finnst henni lifrapylsa með edik­blöndu besti þorra­mat­ur­inn.

Helga svar­aði spurn­inga­lista Mannlífs en hér má sjá svörin:

Uppáhaldsstaður á Íslandi?

Við  hlið­ina á mann­inum mínum 🙂

Á forseti að sitja lengur en tvö kjörtímabil?

Þjóðin getur kosið nýjan for­seta á fjög­urra ára fresti. Það er ekki for­set­ans að ákveða hvað hann situr lengi.

Hvaða breytingar viltu sjá á stjórnskipan Íslands?

Ég sé enga brýna þörf fyrir breyt­ingar á stjórn­skipan Íslands.

Hver er þinn uppáhaldsforseti?

Vigdís Finn­boga­dóttir.

Finnst þér að gera eigi kröfu um fleiri fjölda með­mæl­enda fram­bjóð­enda til emb­ættis for­seta Íslands?

Mér finnst það ekki.

Hver er þín helsta fyrirmynd í lífinu?

Vigdís Finn­boga­dóttir, Iris Apfel og Ruth Baderg­ins­burg.

Hver er uppáhaldstónlist þín?

Suðræn sveifla. Svo finnst mér voða­lega gott að hlusta á það sem Gull-Bylgjan spilar fyrir mig.

Hefurðu neytt ólöglegra fíkniefna?

Nei.

Gerði Ólafur Ragnar Grímsson rétt með því að beita neitunarvaldinu á sínum tíma?

Já.

Hver var stærsta stundin í lífi þínu?

Fæðing barn­anna okkar hjóna – allra þriggja.

Hver eru mestu vonbrigðin?

Ég hef verið það heppin að það eru engin stór­kost­leg von­brigði sem sitja í mér.

Fallegasta ljóðið?

Hótel jörð. Tómas Guð­munds­son.

Besta skáldsagan?

Aðventa, Gunnars Gunn­ars­sonar.

Hvað er það besta við Ísland?

Náttúran og ferska loftið.

Kanntu á þvottavél?

Já.

Ef þú ættir eina ósk, Íslendingum til hagsbóta, hver væri hún?

Að við vinnum saman að betra sam­fé­lagi.

Að þínu mati, hvert er helsta hlutverk forseta Íslands?

Að vera þjónn þjóð­ar­innar. Setja sjálfan sig ekki á stall. Vera í lif­andi sam­bandi við fólkið í land­inu og láta hags­muni almenn­ings, áhyggjur og vænt­ingar vera sitt leið­ar­ljós.

Borðarðu þorramat?

Já. Best finnst mér lifrapylsa með edik­blöndu.

Ertu rómantísk/ur?

Já ég er róm­an­tísk. Það gerir lífið betra.

Í stuttu máli; hvers vegna ætti að kjósa þig til embættis forseta Íslands?

Ég hef síð­ustu átta ár í starfi for­stjóra Per­sónu­verndar varið frið­helgi einka­lífs okkar allra. Ég hef varið það fyrir stór­fyr­ir­tækjum, sem ásæl­ast við­kvæmar upp­lýs­ingar um heilsu­far ykkar, fjár­mála­stofn­unum sem vilja dreifa upp­lýs­ingum um fjár­hags­stöðu ykkar og mennta­stofn­unum sem vilja safna upp­lýs­ingum um börnin ykkar í gegnum smá­forrit í kennslu­stof­unum. Þessi stað­festa mín hefur farið fyrir brjóstið á valda­miklu fólki á æðstu stöðum. Þannig hef ég meira að segja verið gagn­rýnd af ráð­herrum rík­is­stjórn­ar­innar fyrir það eitt að fara að lögum.Ef ein­hver er að hugsa um for­set­ann sem mik­il­vægan örygg­is­ventil þá á erindi mitt ekki að vefj­ast fyrir neinum.Sem for­seti verð ég ekki sam­nefn­ari þjóð­ar­innar heldur þjónn hennar. Ég mun ekki setja sjálfa mig á stall heldur þjóð­ina.Þess vegna verð ég í lif­andi sam­bandi fólkið í land­inu. Hags­munir almenn­ings, áhyggjur, öryggi og vænt­ingar verða mitt leið­ar­ljós.

Mannlíf lagði spurn­inga­lista fyrir þeim fram­bjóð­endur sem náð hafa lág­marks­fjölda með­mæla, svo þjóðin fái að kynn­ast þeim betur. Munu svör fram­bjóð­end­anna vera birt á næstu vikum.