Brotist var inn í matarvagn og stolið þaðan talsverðum fjármunum ásamt spjaldtölvu og miklu magni drykkja. Málið í rannsókn.
Tilkynnt var um ökumann er bakkaði á sömu bifreið í miðborginni þrisvar sinnum. Ökumaðurinn reyndist vera ferðamaður frá Bandaríkjunum og ekki undir áhrifum áfengis eða fíkniefna. Málið í rannsókn.
Kemur fram að tilkynnt var um hnupl í matvöruverslun Hagkaupa; aðilinn mjög ölvaður en játaði þjófnaðinn. Málið í rannsókn.
Ökumaður stöðvaður í umferðinni og handtekinn grunaður um akstur undir áhrifum fíkniefna. Eftir viðræður við ökumanninn vaknaði grunur um sölu fíkniefna en við leit sem ökumaður samþykkti fundust meint fíkniefni og eftirlíkingar af skotvopnum. Ökumaðurinn vistaður í klefa í þágu rannsóknar málsins.
Tveir ökumenn voru handteknir – grunaðir um akstur undir áhrifum fíkniefna. Lausir að blóðsýnatöku lokinni.
Einn ökumaður handtekinn grunaður um akstur undir áhrifum áfengis. Var hann einnig án ökuréttinda. Laus að blóðsýnatöku lokinni.
Ökumaður tilkynntur um að hafa ekið í bifreið tilkynnanda og ekið síðan á brott. Lögregla hafði uppi á ökumanninum sem reyndist ölvaður. Vistaður í klefa í þágu rannsóknar málsins.
Tilkynnt um karlmann á bifreið sem elti fótgangandi konu. Karlinn fór úr bifreiðinni sinni, kallaði á eftir konunni með buxurnar niðri um sig þannig að getnaðarlimur hans blasti við.
Konan sagði í samtali við lögreglu að hún hafi komist heim til sín heil á húfi. Leit stendur yfir að manninum þegar þetta var ritað.
Tilkynnt um tvo menn að sparka niður steypustólpa og vinna þannig skemmdarverk. Mennirnir voru farnir er lögregla kom – en steypustólpi var láréttur á jörðinni. Málið í rannsókn.
Ökumaður stöðvaður í umferðinni sem framvísaði ökuskírteini tvíburabróður hans en ökumaðurinn sjálfur var án ökuréttinda. Lögreglumenn létu ekki gabbast af þessari tilraun ökumannsins og á ökumaðurinn yfir höfði sér kæru vegna rangra sakargifta og skjalafals ásamt akstri án ökuréttinda.
Veiðivörður tilkynnti um tvo aðila að veiðum í Elliðaá án leyfis. Aðilarnir á vettvangi neituðu sök við lögreglu þrátt fyrir að vera með veiðistangir meðferðis en veiðivörðurinn sagðist vera með mynd af þeim að veiðum. Málið í rannsókn.
Tilkynnt um hóp drengja sem héldu einum dreng niðri í Kópavogi og veittust að honum, þar sem árásaraðilarnir voru mögulega með barefli. Lögregla hitti árásarþola og föður hans á vettvangi en árásarþoli var með skrámur í andliti eftir á þar sem árásaraðilarnir voru farnir. Allir drengirnir á grunnskólaaldri. Málið í rannsókn.
Athugasemdir