DV hefur nú birt fleiri skrif frá árum Þórðar Snæs Júlíussonar er hann nam stjórnmálafræði í Edinborg. Þar koma fram fordómafullar færslur sem fjölmiðlamaðurinn og frambjóðandi Samfylkingarinnar skrifaði um kvenfólk og minnihlutahópa.
Bloggsíðan þar sem skrif Þórðar Snæs birtust hét „Þessar elskur“ en henni hélt hann úti ásamt félögum sínum. Þórður Snær var þó sá sem skrifaði langmest á síðunni en hann notaðist við nafnið „Steel German“. Samkvæmt DV er síðan ekki aðgengileg lengur en enn er hægt að finna nokkur skjáskot frá henni á netvistunarsíðunni Wayback Machine. Færslurnar sem DV birtir skrifaði Þórður Snær á árunum 2004 til 2005, þegar hann var 24 og 25 ára en hann stundaði þá háskólanám í stjórnmálafræði í Edinborg.
Í einum pistli sem DV birtir talar Þórður Snær um „feitan fyrrverandi“ sambýlismann hans, sem hafi reynt að „pikka upp eina 12 ára handa mér“ og bætir við: „sem var afar hressandi“. Þá lýsir hann kærustu sambýlismanns síns sem blöndu af „Gumma-Kalla og Kolbrúnu Bergþórsdóttur“ og sagði hana vera „eins og leirklumpur standandi á tveimur mars-stykkjum.“ Bætti hann við: „Hún var ekki með brjóst, samt með vömb, stóran rass, stuttar lappir, gróft hár og þrútið andlit.“
Hér má lesa pistil Þórðar Snæs:
Úr pistli 27.11.2004
„Annars lærir maður aldrei af reynslunni. Sóaði deginum í gær í að vera þunnur vegna þess að ég datt hressilega í það af lítilli ástæðu á fimmtudaginn. Sá samt feita fyrrverandi sambýlismann minn dansa við Dirty Dancing á meðan að hann var að reyna að pikka upp eina 12 ára handa mér, sem var afar hressandi. Hann hefur af því stórar áhyggjur að ég hafi ekki stundað kynlíf, með öðrum en sjálfum mér, síðan ég kom hingað. Honum er virkilega umhugað um þetta og reynir við hvert tækifæri að fylla mig og pikka upp stelpur, fyrir mig. Ég er samt bara kominn á það að það sé búið að hræða mig frá kynlífsiðkun. Annar sambýlismaður minn var með kærustuna sína í heimsókn frá BNA hér um daginn. Hún leit út eins og afkvæmi Gumma-Kalla og Kolbrúnar Bergþórsdóttur. Hún var eins og leirklumpur standandi á tveimur mars-stykkjum. Hún var ekki með brjóst, samt með vömb, stóran rass, stuttar lappir, gróft hár og þrútið andlit. Svo sagði hún varla orð í þessar tvær vikur sem hún var hérna. En hún bætti það upp með næturtjáningu, því þeim þótti svakalega fínt að riðlast, og henni að öskra á meðan að á þeim stóð. Í tvær vikur sofnaði ég við hamrandi samfarastunur einnar ókynþokkafyllstu konu sem ég hef séð. En ég lýg því þó að þetta hafi rænt mig graðleikanum. Verð líklega eins og tímasprengja þegar ég kem heim. Þá er bara að vera duglegur við að snerta sig.“
Athugasemdir