Oddný Harðardóttir hefur nú lokið þingstörfum, að minnsta kosti í bili en hún gefur ekki kost á sér í komandi kosningum. Vinkona hennar og fyrrum samherji á þingi, Helga Vala Helgadóttir þakkar henni fyrir góð störf í nýrri færslu á Facebook.
„Þá hefur fundum Alþingis verið frestað framyfir kosningar. Þótt þingmenn sitji fram að kosningum þá er það nú samt svo að hún Oddný “næstumþvísystirmín” Harðardóttir er líklega búin að ljúka sínum þingstörfum, í bili amk, enda borgar sig að fullyrða neitt í þeim efnum.“ Þannig hefst færsla Helgu Völu um vinkonuna Oddnýju Harðardóttur. Segir hún jafnframt að Oddný sé „alvöru jafnaðarkona“:
„Oddný er alvöru jafnaðarkona. Hún talar fyrir öllum grunngildum jafnaðarmennskunar og eru þar engin undanskilin sem minna merkileg. Það efast enginn um hvar hennar hjarta slær og réttlætiskenndin er eldheit.“
Þá minnist Helga Vala þess þegar hún settist fyrst á þing:
„Það var mjög mikilvægt að hafa svona reynslumikla konu til að leita ráða hjá þegar ég settist á þing árið 2017, jafnvel þótt við værum ekki alltaf sammála og trúnóin okkar hafa að auki óteljandi.“
Að lokum óskar Helga Vala Oddnýju og eiginmanni hennar til hamingju með frelsið:
„Elsku Oddný og ekki síður kæri “Eiríkurminn”. Til hamingju með frelsið ykkar. Njótið þess nú að hjóla um heiminn og sóla ykkur. Þetta er alveg passlegt dagsverk sko.
Takk fyrir öll þín góðu störf og takk fyrir vinskapinn kæra vinkona“
Athugasemdir