Lastar Grindvíkinga sem gagnrýna brottflutta: „Ekki hægt að sitja undir þessum helvítis skætingi“

„Ég er algjör­lega búinn að fá mig fullsaddan af ein­hverjum skíta­bombum frá sjálf­skip­uðum hetjum í Grinda­vík, fólki sem hefur þraukað í bænum og finnst greini­lega að þeir sem fóru séu svik­arar, en hafa ekki þor til að segja það berum orðum.“ Þannig hefst sterk Facebook-færsla sam­fé­lags­rýn­is­ins frá Grinda­vík, Björns Birg­is­sonar en þar svarar hann ýmsum spurn­ingum og full­yrð­ingum sem brott­fluttir Grind­vík­ingar hafa þurft að sitja undir frá því að eld­gosa­hrinan á Reykja­nesskaga hófst.

Björn telur upp ýmsar spurn­ingar og full­yrð­ingar um brott­flutta Grind­vík­inga og svarar þeim í nýrri Facebook-færslu sem vakið hefur athygli.

„- Af hverju heyr­ist ekki meira í fólki? –Undarleg spurn­ing, það heyr­ist nefni­lega mikið í fólki, til dæmis eru margir að tjá sig sam­fé­lags­miðlum og ég tel mig hafa lagt ýmis­legt til mál­anna.– Hvar er fólkið sem stóð upp og krafð­ist upp­kaupa? –Aftur und­ar­leg spurn­ing, það fólk er að mestu búið að fjár­festa í öðrum eignum til að tryggja fjár­hags­lega afkomu sína á meðan hús­eignir í Grinda­vík eru verð­lausar.– Ég ekki bjart­sýnn á upp­risu Grinda­víkur nema með nýjum Grind­vík­ingum! –Þetta er aldeilis kær kveðja til okkar sem erum nú að hug­leiða að gera holl­vina­samn­ing við Þórkötlu til að halda tengslum við bæinn okkar og sjá til hvernig málin þró­ast. – Það eru 3 bæj­ar­full­trúar í Grinda­vík. –Hér er fylli­lega gefið í skyn að hinir fjórir séu að svíkja bæinn sinn með dvöl í öðrum bæj­ar­fé­lögum.– Hvar er bæj­ar­stjór­inn? –Hér er fylli­lega gefið í skyn að bæj­ar­stjór­inn eigi ekki að hlýða ábend­ingum og reglum frá stjórn­völdum og sé að svíkja bæinn eins og meiri­hluti bæj­ar­full­trúa og aðrir brott­fluttir.“

Að lokum húð­skammar Björn þá sem „ráð­ast stöðugt að sam­borg­urum sínum“.

„Það er hrein­lega ekki hægt að sitja undir þessum hel­vítis skæt­ingi flesta daga.Menn geta verið þrá­kálfar og fundið yfir­völdum flest til for­áttu.En að ráð­ast stöðugt að sam­borg­urum sínum, sem eru brott­fluttir, en margir stefna heim aftur þegar og ef hægist um, er ósköp ein­fald­lega lít­il­mann­legt og til hábor­innar skammar.Skóla­bók­ar­dæmi um þröng­sýni og skort á skyn­semi.“