Fagnar afsökunarbeiðninni: „Hefði ekki verið betra að fá nokkrar svoleiðis á síðasta kjörtímabili?“

Björn Leví Gunn­ars­son fagnar afsök­un­ar­beiðni Ingu Sæland og spyr hvort ekki hefði verið gott að fá nokkrar slíkar á síð­asta kjör­tíma­bili.

Píratinn Björn Leví Gunn­ars­son, sem lengi hefur verið þyrnir í augum Sjálf­stæð­is­manna þar sem hann hefur verið dug­legur að benda á eitt og annað sem hann telur ámæl­is­vert hjá flokknum og er ekki að sjá að hann sé hættur, þrátt fyrir að hafa fallið af þingi í síð­ustu kosn­ingum. Björn skrif­aði stutta en beitta færslu á Facebook, við skjá­skot af frétt Mannlífs um afsök­un­ar­beiðni Ingu Sælands vegna sím­tals hennar við skóla­stjóra barna­barns hennar. Skýtur hann fast á sinn forna fjand­mann, Bjarna Bene­dikts­son en færsl­una má sjá í heild sinni hér fyrir neðan:

„Pælið í því hvað er ein­falt að biðj­ast afsök­unar. Hefði ekki verið betra að fá nokkrar svo­leiðis á síð­asta kjör­tíma­bili fyrir miklu alvar­legri hluti en þetta sím­tal? Ég meina td. að selja pabba sínum hlut í rík­is­banka … það er svona lands­rétt­ar­stigs alvar­leiki. Engin afsökun þar.

Meira svona takk.“