Andri Freyr Bjarnason hefur dæmdur í 60 daga skilorðsbundið fangelsi af Héraðsdómi Reykjavíkur fyrir líkamsárás og fíkniefnalagabrot en árásin átti sér stað á Tryggvagötu í Reykjavík sumarið 2023.
Í dómnum segir að Andri hafi veist með ofbeldi að brotaþola, hvar hann sat í aftursæti bíls, með opin glugga, og slegið hann með krepptum hnefa í andlitið með þeim afleiðingum að brotaþoli hlaut nefbrot, brot á vinstri framtönn í efri gómi, blæðingu inn á augnatóft vinstra auga, glóðarauga á bæði augu auk þess að hljóta blóðnasir, bólgur og mar í andliti.
Andri var handtekinn af lögreglu skömmu síðar og fundust 0,17 grömm af kókaíni í nikótínpúða dollu sem fannst í buxnavasa hans.
Hann hefur áður verið dæmdur sekur um líkamsárás en það gerðist árið 12. desember árið 2019 og þá gekkst Andri undir greiðslu sektar með sektargerðum lögreglustjóra, 30. desember 2020 og 26. júní 2024, vegna m.a. brota gegn lögum um ávana- og fíkniefni.
Andri játaði brot sitt og er dómur hans skilorðsbundinn til tveggja ára. Þá þarf hann að greiða brotaþola 604.496 krónur auk vaxta og málsvarnarþóknun skipaðs verjanda síns 200.880 krónur og 45.648 krónur í annan sakarkostnað.
Athugasemdir