Jón Gnarr fór á kostum á Alþingi

Jón Gnarr, leik­ari og þing­maður Við­reisnar, fór á kostum á Alþingi þegar hann gerði sér lítið fyrir og fór með Dverga­tal úr Völuspá, í heild sinni.

Tilefni ræðu Jóns Gnarr var það að hann hefur nú lagt fram frum­varp um breyt­ingu á manna­nafna­lögum en mark­mið þess er að leyfa ein­stak­lingum að taka upp ætt­ar­nöfn og auka heim­ildir manna­nafna­nefnd­ar­innar til að sam­þykkja nöfn.

Í fjöl­mörg ár átti Jón í hálf­gerðu stríði við manna­nafna­nefnd­ina, sem vildi ekki leyfa honum að taka upp nafnið Gnarr, í stað Gunnars. Að end­ingu snéri Jón á nefnd­ina og lét breyta nafn­inu í Banda­ríkj­unum, sem sagt fór út sem Jón Gunnar en kom til baka sem Jón Gnarr.

Eins og áður segir fór Jón á kostum í ræðu sinni þar sem hann flutti Dverga­tal úr Völuspá í heild sinni en það er oft talið elsta íslenska nafna­skráin.

Í lok ræðu sinnar talar Jón um sitt upp­á­halds dverga­nafn úr Völuspá. Gefum honum orðið:

„Ég á mér upp­á­halds nafn, upp­á­halds dverg. Og það er Dólg­þrasir. Ég held að það feng­ist nú seint við­ur­kennt sem manns­nafn samt. En ég held að Dólgs­þrasir væri til dæmis efni í mjög góðan þing­mann. Hann bæði getur verið þras­gjarn og með dólg.“