Kennari ársins handtekinn fyrir að berja barn með belti

Nicole Staples, sem kennir í 2. bekk við Cottage Hill Christian Academy í Mobile í Alabama og var nýlega útnefnd ein af kenn­urum árs­ins í rík­inu, á nú yfir höfði sér ákæru fyrir alvar­legt ofbeldi gegn barni sínu.

Staples var hand­tekin á mið­viku­dag og ákærð fyrir vís­vit­andi ofbeldi gegn barni yngra en 18 ára, sam­kvæmt upp­lýs­ingum frá skrif­stofu sýslu­manns.

Í mynd­bandi, sem vakti mikla athygli, virð­ist Staples slá ung­lings­son sinn með belti allt að tutt­ugu sinnum, á meðan hún skammar hann harka­lega fyrir að hafa ekki gengið frá eftir sig. Í mynd­band­inu má einnig sjá hana grípa í hár hans áður en hún slær hann aftur.

Staples var sam­kvæmt frétt AL.com útnefnd aðstoð­ar­kenn­ari árs­ins í Alabama í maí síð­ast­liðnum.

Chris Brazell, skóla­stjóri Cottage Hill Christian Academy, sagði í yfir­lýs­ingu að skól­inn legði vel­ferð barna ávallt í for­gang og myndi bregð­ast hratt, gagn­sætt og af ábyrgð við þegar mál kæmu upp sem gætu haft áhrif á öryggi eða heið­ar­leika skól­ans. Staples var send´i leyfi frá störfum í kjöl­far hand­tök­unnar.

Sýslu­manns­skrif­stofan stað­festi við TMZ að hún væri með­vituð um mynd­bandið. Börn Staples hafa verið sett í umsjá vernd­ar­að­ila á meðan málið er rann­sakað, í sam­ráði við Staples og eig­in­mann hennar.

Rann­sókn­ar­deild sýslu­manns hefur tekið við­töl við börnin, kenn­ara og nágranna.

Tals­maður Cottage Hill Christian Academy sagði við TMZ að Nicole Staples hefði verið sett í leyfi frá störfum á meðan málið væri til skoð­unar, og að skól­inn ynni náið með lög­regl­unni í Mobile.

Hér má sjá mynd­bandið en við­kvæmir eru varaðir við.