Rauði krossinn lokar neyðarskýli fyrir flóttafólk

Rauði kross­inn á Íslandi mun klukkan 10:00 í dag loka neyð­ar­skýli fyrir flótta­fólk sem starf­rækt hefur verið frá sept­em­ber 2023. Fólkið verður flutt í bæj­ar­hraun 16 í Hafn­ar­firði, í hús­næði á vegum stoð­deildar
rík­is­lög­reglu­stjóra. Þetta kemur fram í harð­orðri yfir­lýs­ingu frá vinum og stuðn­ings­fólki íbúa skýl­is­ins.

Samkvæmt yfir­lýs­ing­unni hefur skýlið hýst fólk sem hafi verið „svipt grund­vall­ar­rétt­indum sínum og mann­legri reisn“ eftir að umsóknum þeirra um alþjóð­lega vernd hafi verið hafnað, þrátt fyrir að ekki hafi reynst mögu­legt að flytja það úr landi.

„Þetta er því ekki hópur sem „neitar bara að fara“. Þetta er fólk sem ríkið hefur reynt að losa sig við, án árang­urs, en neitar samt að veita því húsa­skjól eða lág­marks­ör­yggi,“ segir í yfir­lýs­ing­unni.

Þar kemur einnig fram að íbúar skýl­is­ins hafi flúið meðal ann­ars póli­tískar ofsóknir, stríð, þræla­hald og aðrar lífs­hættu­legar aðstæður.

Stuðn­ings­fólkið segir lok­un­ina vera beina afleið­ingu ákvörð­unar dóms­mála­ráð­herra Íslands og félags­mála­ráð­herra Íslands um að end­ur­nýja ekki samn­ing við Rauða kross­inn um rekstur úrræð­is­ins.

Með lok­un­inni hætti Rauði kross­inn allri hús­næð­is­þjón­ustu fyrir flótta­fólk hér á landi.

Í yfir­lýs­ing­unni er einnig gagn­rýnt það sem kallað er „ein­angr­un­ar­búðir“ rík­is­stjórnar Kristrún Frosta­dóttir, svo­kall­aða brott­far­ar­stöð fyrir umsækj­endur um alþjóð­lega vernd.

„Klukkan 10 á morgun (í dag) munu stjórn­völd ekki leita neinna lausna á stöðu fólks­ins. Það verður ein­fald­lega fært til í kerfi sem firrar sig allri ábyrgð. Fólk á flótta skal hverfa úr aug­sýn almenn­ings og verða að and­lits­lausum tölum sem hurfu,“ segir meðal ann­ars í yfir­lýs­ing­unni.

Þá er varað við því að vistun fólks í slíkum búðum geti dregið úr líkum á að meint brot í máls­með­ferð komi fram opin­ber­lega.

„Með þessu gull­tryggja stjórn­völd mögu­leik­ann á frek­ari brotum gegn grund­vall­ar­reglu þjóða­réttar um bann við því að vísa fólki brott eða end­ur­senda þangað sem líf þess eða frelsi kann að vera í hættu,“ segir í yfir­lýs­ing­unni.

Að lokum kemur fram að vinir og stuðn­ings­fólk íbúa skýl­is­ins hygg­ist vera við­stödd þegar fólk­inu verður vísað út úr úrræð­inu.