Fimm unglingar drukknuðu í hitabylgjunni um helgina

Sér­fræð­ingar í Bret­landi hafa gefið út afdrátt­ar­lausar við­var­anir eftir að fimm ung­lingar drukkn­uðu á hörmu­legan hátt um hvíta­sunnu­helg­ina.

Fjöl­skylda 15 ára drengs sem lést í stöðu­vatni hefur í sorg sinni hvatt aðra til að vera með­vit­aða um hætt­una sem fylgir opnu vatni. Declan Sawyer fannst við leit í Swanholme-vötnum nálægt Lincoln á sunnu­dag, en þá var hita­met slegið í Bret­landi.

Önnur fjöl­skylda syrgir einnig ungan dreng sem „hvarf í vatni“ þegar hann reyndi að kæla sig niður í vin­sælum úti­vist­ar­garði í Rother­ham á mánu­dag. Lögregla stað­festi í morgun að lík hefði fund­ist eftir leit sem stóð yfir alla nótt­ina.

Abbie Carmody-Pepper, einnig 15 ára, lést um helg­ina þegar hún var að baða sig við Burrow-strönd í Dublin.

Dauðs­fall hennar kom aðeins nokkrum klukku­stundum eftir að lík ungrar stúlku fannst í vatni við Kings­bury Water Park í Warwick-skíri. Stúlkan, sem aðeins hefur verið nefnd Lil, var sögð sextán ára gömul.

Ættingi hennar sagði að ekki væri enn ljóst hvað hefði gerst.

„Við vitum ekki nákvæm­lega hvað gerð­ist ennþá. Það sáust ein­hverjir hoppa fram af brú en hún gerði það ekki,“ sagði við­kom­andi og bætti við að ungur drengur hefði stokkið út í til að reyna að bjarga henni.

Í gær fannst svo 13 ára drengur, sem stað­bundnir miðlar nefna Reco, lát­inn eftir drukknun í Lead­bea­ter-stífl­unni nálægt Halifax.

Faðir biður foreldra að vara börn sín við

Faðir Declans, Carl Sawyer, lýsti syni sínum sem „skemmti­legum og opnum ungum manni“ og sagð­ist ekki vilja að aðrir for­eldrar þyrftu að ganga í gegnum sömu martröð.

„Hann var með ein­stak­lega stríðn­is­legt bros og per­sónu­leika sem pass­aði við það. Hann var mjög elsk­aður af vinum sínum og fjöl­skyldu og verður sárt saknað,“ sagði hann.

Hann hvatti jafn­framt for­eldra og aðstand­endur til að ræða við börn sín um hætt­una sem fylgir ám og vötnum í hita­bylgjum.

Vara við „falinni hættu“

Slökkvi­lið og björg­un­ar­sveitir hafa sér­stak­lega bent á hætt­una sem fylgir sundi í opnu vatni.

Robert Hulatt, yfir­maður for­varna hjá slökkvi­liði og björg­un­ar­sveit Bedford-skíri, var­aði við því að fólk mætti ekki ganga út frá því að það ráði við áskor­anir í ám, vötnum, námu­vötnum og vatna­leiðum bara af því að það getur synt í sund­laug, og segir að „faldar hættur“ geri þær lífs­hættu­legar.

„Jafnvel á heitum degi getur vatnið í opnum vötnum verið mjög kalt og valdið kulda­sjokki,“ sagði hann.

Slíkt geti gert fólki erfitt fyrir að stjórna öndun sinni, valdið ofsa­hræðslu og gert sund erfitt.

Ráðleggja fólki að „fljóta til að lifa“

Kon­ung­lega björg­un­ar­báta­stofn­unin (e. Royal National Lifeboat Institution) hefur áréttað örygg­is­ráð sín í gegnum her­ferð­ina „Float to Live“.

Nick Ayers sagði að fólk sem lendir í vand­ræðum í vatni fari oft að örvænta og berj­ast um.

„Við hvetjum fólk til að hunsa þessa eðl­is­hvöt og muna að fljóta,“ sagði hann.

Ráðið felst meðal ann­ars í því að halla höfð­inu aftur, slaka á og reyna að anda rólega þar til stjórn næst aftur á aðstæðum.