Guðrún Karls Helgudóttir, biskup Íslands, hefur auglýst laust til umsóknar starf prests við Lindaprestakall í Kópavogi. Um fullt starf er að ræða og er umsóknarfrestur til 19. júlí.
Lindaprestakall er eitt þriggja prestakalla í Kópavogi og þjónar ört vaxandi safnaði. Á svæðinu búa um 15.700 íbúar og eru rétt tæplega 11.000 skráð sóknarbörn.
Við Lindakirkju starfa nú þrír prestar og einn djákni auk tónlistarstjóra, rekstrarstjóra og tveggja kirkjuvarða.
Lindakirkja hefur á undanförnum árum byggt upp öflugt safnaðarstarf og gegnir mikilvægu hlutverki í samfélaginu í austurhluta Kópavogs, þar sem fjölbreytt starf er í boði fyrir fólk á öllum aldri.
Athugasemdir