Oprah Winfrey lokar elítuskóla sínum í Suður-Afríku

Oprah Winfrey Leaders­hip Academy for Girls (OWLAG), heima­vist­ar­skóli fyrir stúlkur sem banda­ríski sjón­varps­þátta­stjórn­and­inn Oprah Winfrey stofn­aði í Suður-Afríku fyrir tæpum 20 árum, mun hætta starf­semi við lok skóla­árs­ins 2027.

Í yfir­lýs­ingu frá Winfrey kemur fram að skóla­svæðið sem er stað­sett nálægt Jóhann­es­ar­borg verði fram­selt stað­bundnum mennta­yf­ir­völdum, í sam­ræmi við upp­haf­legt sam­komu­lag. Þeim nem­endum sem eiga enn eftir að ljúka námi þegar skól­inn lokar verða tryggðir fullir náms­styrkir til að ljúka námi ann­ars staðar.

Framtíðarsýnin breytist en verkefninu lýkur ekki

Skólinn, sem stað­settur er í þorp­inu Henley-on-Klip, var opn­aður árið 2007 eftir að Winfrey fund­aði með Nelson Mandela, fyrr­ver­andi for­seta Suður-Afríku, árið 2002. Markmið skól­ans hefur ávallt verið að veita stúlkum úr fátæk­ari hverfum sam­fé­lags­ins tæki­færi til náms og hafa rúm­lega 1.000 stúlkur útskrif­ast þaðan. Í dag stunda 281 nem­andi nám við skól­ann.

„Draum­ur­inn var aldrei sá eini að byggja skóla,“ sagði Winfrey, sem er 72 ára, í yfir­lýs­ing­unni. „Hann sner­ist um að fjár­festa í mögu­leikum ungra kvenna. Því hlut­verki lýkur ekki með einu skóla­hús­næði.“

Stofnun Opruh Winfrey stefnir að því að halda mennta­verk­efn­inu áfram með því að fjár­magna sér­staka náms­styrki. Þeir munu gera stúlkum sem koma úr lægri stéttum sam­fé­lags­ins kleift að sækja aðra skóla víðs vegar um landið.

Neita sögusögnum um vanstjórnun

Margt hefur gengið á við rekstur skól­ans, sem kost­aði um 40 millj­ónir Banda­ríkja­dala í bygg­ingu. Stuttu eftir að skól­inn opn­aði komu fram ásak­anir á hendur fyrr­ver­andi starfs­manni um mis­notkun, en við­kom­andi var síðar sýkn­aður af öllum ákærum. Þá gagn­rýndu sumir álits­gjafar skól­ann á sínum tíma fyrir óhóf­legan lúxus, svo sem jóga­stúdíó og snyrti­stofu, og sögðu að fjár­mun­unum hefði verið betur eytt í breið­ari stuðn­ing við fleiri nem­endur.

Eftir að Oprah lýsti því að skól­anum yrði lokað fóru sögu­sagnir af stað um að ákvörð­unin tengd­ist van­stjórnun. Almanna­teng­ill á vegum stofn­un­ar­innar hefur alfarið vísað því á bug og áréttað að lok­unin sé liður í upp­haf­legu skipu­lagi.

Ekki liggur fyrir hvað verður um fast­eign­irnar þegar mennta­mála­ráðu­neyti Gauteng-hér­aðs tekur við þeim, en full­trúar ráðu­neyt­is­ins segj­ast skuld­bundnir því að varð­veita og efla þá arf­leifð sem skól­inn skilur eftir sig.