Samningaviðræðum Sýnar hf. og Ása hf. (áður Síminn) um kaup Ása á vef- og útvarpsmiðlum Sýnar hefur verið slitið án þess að endanlegur kaupsamningur hafi verið undirritaður.
Þetta kemur fram í tilkynningu Sýnar til Kauphallarinnar en Vísir greindi fyrst frá og er í eigu Sýnar.
Félögin greindu frá því 12. mars síðastliðinn að þau hefðu undirritað skilmálaskjal vegna fyrirhugaðra viðskipta. Þar var kveðið á um ákveðinn frest til að ganga frá endanlegum kaupsamningi og annarri nauðsynlegri skjalagerð.
Sá frestur er nú liðinn og samkomulag um einkarétt Ása til samningaviðræðna hefur því fallið úr gildi. Viðræðum félaganna er jafnframt lokið.
Sýn segir félagið hafa uppfyllt þær forsendur sem settar voru fram í skilmálaskjalinu, meðal annars hvað varðar tekjur og rekstrarafkomu þeirrar starfsemi sem viðskiptin áttu að ná til.
Athugasemdir