Ljóst er að margir þingmenn og landsmenn séu ennþá að klóra sér í hausnum vegna ræðu Guðmundar Ara Sigurjónssonar, þingflokksformanns Samfylkingarinnar, þann 23. september.
Mætti Guðmundur í pontu Alþingis til að reyna að verja hótun sem Guðmundur Ingi Kristinsson, þáverandi ráðherra, fékk senda frá Guðbjörgu Ingunni Magnúsdóttur, þáverandi aðstoðarmanni Guðmundar Inga, þegar hann lá á sjúkrahúsi. Voru skilaboðin augljóslega frá Ingu Sæland þar sem ráðherranum var tilkynnt að hann þyrfti að segja af sér embætti eða fara í stríð við sinn eigin flokk.
Guðmundur Ingi ákvað hins vegar í síðustu viku að taka hugrakkt skref og birta hótunina í viðtali við RÚV.
Vísaði Guðmundur Ari í hótunina sem „einhver skilaboð“ af óskiljanlegri ástæðu. Kemur þetta sérstaklega á óvart í ljósi þess að þingflokksformaðurinn starfaði árum saman í félagsmiðstöð þar sem starfsfólk leggur sig fram um að vernda fórnarlömb eineltisseggja en ekki öfugt ...
Athugasemdir