Alexander Guðjónsson hefur verið dæmdur í fangelsi af Héraðsdómi Reykjaness.

Hann var ákærður fyrir fyrir rán og brot á vopnalögum í verslun, með því að hafa mánudaginn 17. apríl 2023, gengið inn í verslunina með hulið andlit, að afgreiðsluborðinu með hníf í hendi og sagt starfsmanni verslunarinnar, sem var stúlka undir lögaldri, með ógnandi hætti að opna afgreiðslukassann sem hún gerði og forðaði sér frá en í kjölfar þess tók ákærði allt að kr. 30.000, í reiðufé og hljóp út úr versluninni.

Alexander neitaði sök en dómarinn taldi að næg sönnunargögn væru fyrir hendi til að sakfella hann.

Hann var því dæmdur í sjö mánaða fangelsi en dómurinn er skilorðsbundinn til tveggja ára. Þá þarf hann að greiða stúlkunni 500 þúsund krónur, auk vaxta, í miskabætur. Einnig þarf hann að greiða eigin málskostnað og málskostnað stúlkunnar.