Heil­brigðisráðherra - Alma Möller - hef­ur tekið þá ákvörðun að af­nema til­vís­ana­kerfi fyr­ir börn vegna heil­brigðisþjón­ustu. Með af­námi til­vís­ana­skyldu mun þjón­usta sér­greina­lækna við börn verða gjald­frjáls og óháð til­vís­un. Mun breyt­ing­ þessi taka gildi 1. júlí næstkomandi.

Í til­kynn­ingu á vef stjórn­ar­ráðsins kemur þetta fram - en þar seg­ir einnig að sam­hliða breyt­ing­unni muni verði skipaður starfs­hóp­ur til þess að móta til­lög­ur um hliðvörslu í heil­brigðis­kerf­inu til framtíðar:

„Til­vís­ana­kerfi fyr­ir börn tók gildi árið 2017. Var þá horft til þess hlut­verks heilsu­gæsl­unn­ar að vera fyrsti viðkomu­staður fólks í heil­brigðis­kerf­inu. Með þessu væri stuðlað að því að veita þjón­ustu á réttu þjón­ustu­stigi og jafn­framt að beina er­ind­um í rétt úrræði hjá viðeig­andi sér­fræðing­um ef heilsu­gæsl­an gæti ekki leyst vanda viðkom­andi. Til­vís­ana­kerfið var jafn­framt tengt greiðsluþátt­töku­kerf­inu. Þannig hef­ur gilt að barn sem fer til sér­fræðings með til­vís­un frá heilsu­gæslu greiðir ekk­ert fyr­ir þjón­ust­una, en án til­vís­un­ar er greiðsluþátt­taka áskil­in. Fyr­ir ári var til­vís­ana­kerfi fyr­ir börn breytt í þeim til­gangi að ein­falda það og auka skil­virkni.“

Einnig er greint frá því að „meðal ann­ars var til­vís­ana­skylda felld niður sem skil­yrði fyr­ir greiðsluþátt­töku hjá til­tekn­um sér­fræðigrein­um. Skipt­ar skoðanir hafa verið um ár­ang­ur þeirra breyt­inga.“

Þá er einnig sagt frá því að heil­brigðisráðherra telji ljóst að nú­ver­andi fyr­ir­komu­lag til­vís­ana barna hafi ekki þjónað þeim til­gangi né skilað þeim ár­angri sem vonast var eftir.

Í dag sé það svo að til­vís­ana­kerfið leiðir til þess að börn efna­lít­illa for­eldra sem þurfa til­vís­un af fjár­hags­leg­um ástæðum bíða í mörg­um til­vik­um mun leng­ur eft­ir þjón­ustu en börn for­eldra sem hafa nægilega góða fjár­hags­lega burði til að fara með börnin sín til sér­fræðinga án til­vís­un­ar, og greiða fyr­ir þjón­ust­una:

„Það þarf að ákveða hvernig megi haga hliðvörslu í heil­brigðis­kerf­inu á skyn­sam­leg­an, fag­leg­an og skil­virk­an hátt. Því hef ég ákveðið að stofna starfs­hóp um það mál­efni, sem mik­il­vægt er að hann vinni hratt og vel og geti skilað til­lög­um fyr­ir lok þessa árs. Ég hef þegar átt viðtöl við for­svars­menn lækna, þar á meðal formann fé­lags heim­il­is­lækna og mun halda sam­tal­inu áfram“ segir heilbrigðisráðherra í áðurnefndri tilkynningu.