Alnafni ráðherra í ríkisstjórn Íslands hefur verið dæmdur í fangelsi en málið var tekið fyrir í Héraðsdómi Reykjavíkur. Er alnafninn eini alnafni ráðherrans.

Alnafninn var ákærður fyrir umferðarlagabrot með því að hafa, föstudaginn 31. október 2025, ekið bifreið sviptur ökurétti og undir áhrifum áfengis um Súðarvog, Reykjavík, þar sem lögregla stöðvaði aksturinn.

Hann var einnig ákærður fyrir umferðarlagabrot með því að hafa, fimmtudaginn 11. september 2025, ekið bifreið sviptur ökurétti og undir áhrifum áfengis um Gnoðarvog við Glæsibæ í Reykjavík, þar sem lögregla stöðvaði aksturinn.

Nafninn játaði sök en samkvæmt dómnum hefur hann ítrekað brotið af sér á svipaðan máta.

Alnafninn var dæmdur í 15 mánaða fangelsi og er dómurinn óskilorðsbundinn. Þá var ítrekað að nafninn er sviptur ökurétti ævilangt.