Anna Lilja Ragnarsdóttir hefur verið sett sýslumaður á Suðurlandi og Sæunn Magnúsdóttir sýslumaður í Vestmannaeyjum. Setningarnar tóku gildi 22. ágúst og gilda til ársloka 2026.

Ráðstöfunin er liður í undirbúningi fyrir sameiningu sýslumannsembættanna tveggja, sem tekur gildi 1. janúar 2027. Henni er ætlað að tryggja stöðugleika og samfellu í stjórnun og starfsemi embættanna fram að sameiningunni.

Kristín Þórðardóttir, sem áður gegndi embætti sýslumanns á Suðurlandi og var jafnframt settur sýslumaður í Vestmannaeyjum, hefur verið skipuð sýslumaður hins nýja sameinaða embættis. Hún tók við embættinu 21. ágúst.

Undanfarna mánuði hefur dómsmálaráðuneytið unnið að undirbúningi sameiningarinnar í samstarfi við sýslumannsembætti landsins. Um er að ræða umfangsmikla stjórnsýslubreytingu og er undirbúningnum ætlað að tryggja farsæla yfirfærslu þegar nýtt embætti tekur formlega til starfa um áramótin.