Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Innlent

Áttundi bekkur í ensku­tíma varð vitni að kyn­lífi starfs­manna

Sport

Hver er Theodór Elmar?

Pólitík

Hæddist að Snorra og Mið­flokknum í pontu

Innlent

Starfs­menn sagðir hafa stundað kyn­líf í skól­anum

Fólk

Stefán og Egill furða sig á kossa­hneyksl­inu í Haga­skóla

Innlent

Skóla­stjóri áréttar alvar­leika máls­ins eftir að myndir bár­ust

Innlent

Lög­reglan á Vest­ur­landi lýsir eftir 14 ára dreng

Heimur

Khloe Kar­dashian er demikyn­hneigð

Pólitík

Sagði frá kær­leik­anum sem hún finnur á Alþingi

Fólk

„Í dag eru tíu ár síðan ég varð fyrir nauðgun“

Áslaug Arna kveður ömmu sína

„Fastur punktur í til­ver­unni horf­inn á braut“

Áslaug Arna Sigurbjörnsdóttir
Áslaug Arna Sig­ur­björns­dóttir Áslaug Arna minn­ist ömmu sinnar með hlýju Mynd: Instagram

Áslaug Arna Sig­ur­björns­dóttir, fyrr­ver­andi ráð­herra, minn­ist ömmu sinnar, Elsu, í ein­lægri Facebook-færslu þar sem hún rifjar upp náið sam­band þeirra, sam­eig­in­legar minn­ingar og þann ómet­an­lega stuðn­ing sem amma hennar veitti henni í gegnum lífið.

„Þótt kveðju­stundin nú sé lífs­ins gangur eftir gjöf­ult líf þá er fastur punktur í til­ver­unni horf­inn á braut og það er sárt,“ skrifar Áslaug Arna.

Hún segir þær ömmu sína hafa verið perlu­vin­konur og að sam­band þeirra hafi orðið enn nán­ara eftir að móðir Áslaugar, elsta dóttir Elsu, lést langt fyrir aldur fram. Þær hafi fundið styrk hvor í annarri í sorg­inni.

„Amma hefur verið mér mik­il­væg, bæði sem hún sjálf og sem teng­ing við mömmu sem við sökn­uðum sárt,“ segir hún.

Kynnti barnabörnin fyrir listum og menningu

Í færsl­unni rifjar Áslaug Arna upp hvernig amma hennar kynnti barna­börnin fyrir menn­ingu og listum frá unga aldri. Elsa hafði sjálf stundað dans og saum­aði bún­inga fyrir Íslensku óper­una, sem varð að ævin­týra­heimi í augum barna­barn­anna.

Áslaug nefnir sér­stak­lega óper­una Töfraflaut­una eftir Mozart og per­són­urnar Papagenó og Papagenu. Einnig rifjar hún upp fjöl­skyldu­sam­komur á heim­ili ömmu sinnar og afa í Kópavogi þar sem fjöl­skyldu­með­limir settu á svið söng- og dans­at­riði.

„Amma velti því samt þó oft fyrir sér hvort slíkur fer­ill hefði ekki verið skyn­sam­legra val en stjórn­málin,“ skrifar Áslaug í léttum tón.

Elsa studdi barna­barn sitt af heilum hug þótt hún við­ur­kenndi stundum að hún skildi ekki alltaf ákvarð­anir hennar. Áslaug segir ömm­una hafa haft áhyggjur af því álagi sem fylgdi stjórn­mála­þátt­töku og þeirri gagn­rýni sem hún varð fyrir.

Sjálf hafði Áslaug þó meiri áhyggjur af miklu safni blaða­úr­klippa sem amma hennar hafði safnað um hana úr Morg­un­blað­inu í nærri tvo ára­tugi.

Nýjustu úrklipp­urnar röt­uðu á vegg hjá ömm­unni og þeim fylgdu gjarnan skila­boð um skoð­anir hennar á mál­efnum líð­andi stundar.

Mætti alltaf til að hjálpa

Áslaug segir stuðn­ing ömmu sinnar hafa birst í hvers­dags­legum verkum jafnt sem hlýjum sam­tölum. Þegar mikið álag var á henni hafi Elsa alltaf fundið leið til að létta undir, hvort sem það var með því að strauja rúm­föt, ann­ast plöntur eða stytta buxur og gera við föt.

Sér­stak­lega hafi Áslaug þó metið heim­sókn­irnar þegar amma hennar mætti með spurn­ingar um mál­efni líð­andi stundar. Hún vildi kynna sér málin betur og geta varið barna­barnið sitt hvar og hvenær sem væri.

Áslaug rifjar einnig upp ferð fjöl­skyld­unnar á Þing­velli árið 1994, þegar 50 ára afmælis lýð­veld­is­ins var minnst. Elsa klædd­ist þá þjóð­bún­ingi og hafði saumað nýja barna­þjóð­bún­inga á þrjár fyrstu dætra­dætur sínar.

Áslaug erfði síðar þjóð­bún­ing föð­ur­ömmu sinnar, Áslaugar, og naut aðstoðar Elsu við að klæð­ast honum við ýmis til­efni. Fyrir þremur árum saum­aði Elsa nýja bláa svuntu á þjóð­bún­ing­inn svo barna­barnið hefði fleiri mögu­leika þegar hún klædd­ist honum.

Síðasta samtalið var henni kært

Áslaug segir síð­asta sam­tal sitt við ömm­una hafa verið henni sér­stak­lega dýr­mætt. Þær hafi rætt um bæði nýja tíma og gamla, en Elsa hafi jafn­framt sagt að hún væri til­búin að kveðja.

Hún minn­ist einnig heim­sóknar þeirra í Hann­es­ar­holt þar sem þær lásu saman ljóð eftir Hannes Hafstein. Sú stund sé ein af mörgum sem hún minn­ist nú með þakk­læti og bros á vör.

„Takk fyrir allt amma,“ skrifar Áslaug Arna að lokum.

Með færsl­unni birtir hún ljóð­línur Hannesar Hafstein sem hefj­ast á orð­unum:

„Það er svo gaman að gleðj’ana ömmu,
og bros á vörum hennar sjá,
því amma er mamma hennar mömmu
og hún mamma er það besta sem ég á.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Fjársterkir tölvuþrjótar taldir hafa ráðist á 1984
Innlent

Dæmdur í níu ára fang­elsi fyrir kóka­ínsmygl með Norrænu

Heimur

Nýtt lyf í töflu­formi vekur vonir í bar­átt­unni við briskrabba­mein

Innlent

Talninga-Tómas verður Dómara-Tómas

Fólk

Sáttasex leysir ekki ágrein­ing­inn

Minning

Séra Hjalti Þor­kels­son er fall­inn frá

„Og nú er hann flog­inn á braut í morg­un­birt­unni, dáinn, horf­inn, harma­fregn“

„Guðjón var með ótrú­lega áru og per­sónu­töfra“

Guðjón Þórð­ar­son er fall­inn frá

Borgþór Vest­fjörð Kjærne­sted er fall­inn frá