Lögreglan á höfuðborgarsvæðinu hafði afskipti af nokkrum ökumönnum vegna umferðarlagabrota í gærkvöldi og í nótti og vegna gruns um akstur undir áhrifum áfengis og fíkniefna.

Einn ökumaður var stöðvaður eftir að hafa mælst á 140 kílómetra hraða á klukkustund þar sem hámarkshraði er 80 kílómetrar. Málið var afgreitt á vettvangi.

Þá var ökumaður stöðvaður eftir að hafa ekið gegn rauðu ljósi og annar fyrir að aka án ökuréttinda. Einnig hafði lögregla afskipti af ökumanni og farþega sem hvorugur var í öryggisbelti.

Þrír ökumenn voru stöðvaðir vegna gruns um akstur undir áhrifum. Tveir þeirra reyndust undir áhrifum áfengis en einn undir áhrifum ávana- og fíkniefna.

Auk þess var ökumaður stöðvaður sem reyndist bæði undir áhrifum ávana- og fíkniefna og án ökuréttinda. Í þeim málum var farið eftir hefðbundnu ferli lögreglu.

Lögregla sinnti jafnframt almennu eftirliti og aðstoð.