Olís ehf. hefur höfðað mál gegn karlmanni á fertugsaldri og krefst greiðslu vegna kaupa hans á eldsneyti, mat- og drykkjarvörum og öðrum vörum hjá félaginu. Stefna vegna málsins var birt í Lögbirtingablaðinu í dag.

Samkvæmt stefnunni nemur krafa Olís 639.676 krónum, auk dráttarvaxta og málskostnaðar. Krafan er tilkomin vegna þriggja reikninga frá nóvember 2025 til janúar 2026.

Fyrsti reikningurinn nam rúmum 443 þúsund krónum, annar rúmum 163 þúsund krónum og sá þriðji rúmum 33 þúsund krónum. Karlmaðurinn hefur greitt tvisvar inn á skuldina, samtals 145.810 krónur, og hefur verið tekið tillit til þeirra greiðslna við gerð dómkrafna. Eftirstöðvarnar hafi hins vegar ekki fengist greiddar þrátt fyrir innheimtutilraunir.

Málið verður þingfest í Héraðsdómi Reykjavíkur 15. október næstkomandi.