Ný stjórn Faxaflóahafna hefur nú tekið til starfa og hélt sinn fyrsta stjórnarfund í hádeginu í dag. Stjórnin er skipuð sjö fulltrúum eigenda félagsins sem eru Reykjavíkurborg, Akraneskaupstaður, Hvalfjarðarsveit og Borgarbyggð. Brynjar Níelsson er nýr formaður stjórnar.
Fimm af sjö aðalmönnum stjórnar eru nýir. Ragnheiður H. Magnúsdóttir situr áfram sem óháður stjórnarmaður fyrir hönd Reykjavíkurborgar og Páll Brynjarsson sem sameiginlegur óháður fulltrúi Akraneskaupstaðar, Borgarbyggðar og Hvalfjarðarsveitar.
Úr stjórninni hverfa Líf Magneudóttir, fráfarandi formaður, Hildur Björnsdóttir, fráfarandi varaformaður og Már Másson fyrir hönd Reykjavíkurborgar, Helga Harðardóttir fyrir hönd Hvalfjarðarsveitar og Guðmundur Ingþór Guðjónsson fyrir hönd Akraneskaupstaðar.
Á síðu Faxaflóahafna segir að Faxaflóahafnir tengja stærsta markaðs- og atvinnusvæði Íslands við umheiminn og miðin. Félagið rekur umfangsmestu hafnir landsins í Reykjavík, Akranesi, Grundartanga og Borgarnesi og leggur áherslu á að vera leiðandi í umhverfis- og öryggismálum við þróun snjallra og skilvirkra hafna framtíðarinnar.
Fyrir hönd Reykjavíkurborgar:
Aðalmenn:
- Brynjar Níelsson, formaður
- Regína Ásvaldsdóttir
- Anna Björk Bjarnadóttir, óháður stjórnarmaður
- Ragnheiður H. Magnúsdóttir, óháður stjórnarmaður
Varamenn:
- Bjarni Eggerts Guðjónsson
- Bjarnveig Birta Bjarnadóttir
- Helena Westhöfer Óladóttir, óháður stjórnarmaður
- Sigurbjörg Ásta Jónsdóttir, óháður stjórnarmaður.
Fyrir hönd Akraneskaupstaðar:
- Aðalmaður: Líf Lárusdóttir
- Varamaður: Guðmundur Ingþór Guðjónsson
Fyrir hönd Hvalfjarðarsveitar:
- Aðalmaður: Haraldur Benediktsson
- Varamaður: Guðrún Sigríður Gísladóttir
Sameiginlegur óháður fulltrúi Akraneskaupstaðar, Borgarbyggðar og Hvalfjarðarsveitar:
- Aðalmaður: Páll Brynjarsson
- Varamaður: Hrafnhildur Tryggvadóttirfyrir
