Birgir Björn Birgisson hefur verið dæmdur af Héraðsdómi Austurlands en dómurinn var nýlega birtur á vef dómstólsins.

Hann var ákærður fyrir líkamsárás með því að hafa ónefndan dag árið 2025 slegið mann í í andlitið með þeim afleiðingum að hann hlaut nefbrot, mar í ytri augnkrók, sár í efri vör, hægri framtönn losnaði, þrjár tennur í vinstri góm urðu hreyfanlegar og ásláttaraumar eftir höggið, auk þess sem það brotnaði úr glerungi á einni tönn í efri góm

Birgir hafði fyrir þetta hreint sakarvottorð en játaði brot sitt skýlaust. „Á hinn bóginn bera gögn málsins með sér alvarleika atlögu hans sem beindist að höfði brotaþola með fyrrgreindum líkamlegum afleiðingum, sem eru allnokkrar, auk vanlíðanar vegna þeirra,“ segir í dómnum.

Hann var dæmdur í tveggja mánaða fangelsi en dómurinn er skilorðsbundinn til tveggja ára. Þá þarf hann að greiða fórnarlambi sínu 576.351 krónu auk vaxta og málskostnað þess.