Lögreglan á höfuðborgarsvæðinu lýsir ennþá eftir Marijus Sidavicius, 45 ára, frá Litháen, en fyrir liggur staðfest ákvörðun um að verða við beiðni um afhendingu á honum til Litháens á grundvelli evrópskrar handtökuskipunar.

Lögreglan á höfuðborgarsvæðinu lýsti fyrst eftir honum þann 6. mars.

Marijus er ekki talinn hættulegur að sögn lögreglu.

Lögreglan hefur hingað til ekki svarað spurningum Mannlífs af hverju Sidavicius er eftirlýstur eða hvort lögreglunni hefðu borist einhverjar ábendingar.

Mannlíf sendi fyrirspurn á lögregluyfirvöld í Litáen um málið í apríl en í svari þeirra kemur fram að þau muni ekki tjá sig um rannsóknir mála í öðrum löndum og hvetur fjölmiðla til að leita svara hjá íslenskum lögregluyfirvöldum.

Þau sem geta gefið upplýsingar um ferðir Marijus, eða vita hvar hann er að finna, eru vinsamlegast beðin um að hafa samband við lögregluna í síma 112. Marijus hefur til umráða gráan Ford S-Max með skráningarnúmerið IKR17 og er bifreiðarinnar einnig leitað.

Marijus er jafnframt hvattur til að gefa sig fram hjá lögreglu