Tveir einstaklingar gista fangageymslur lögreglunnar á höfuðborgarsvæðinu eftir verkefni lögreglu frá klukkan 17 í gær til klukkan 5 í morgun. Alls voru 49 mál skráð í kerfi lögreglu á tímabilinu, en dagbókin er ekki tæmandi.

Í miðborg Reykjavíkur stöðvaði lögregla ökumann vegna gruns um ölvun við akstur. Ökumaðurinn var látinn laus að lokinni blóðsýnatöku.

Annar ökumaður var stöðvaður í Breiðholti vegna gruns um akstur undir áhrifum fíkniefna. Hann var sömuleiðis látinn laus að lokinni blóðsýnatöku.

Í Kópavogi var lögreglu tilkynnt um mann sem reyndi að brjótast inn í íbúð. Lögregla ræddi við manninn og var hann látinn laus að viðtali loknu.

Síðar var tilkynnt um líkamsárás í sama póstnúmeri. Samkvæmt upplýsingum lögreglu voru meiðsli minniháttar. Maður sem var sagður í annarlegu ástandi var handtekinn vegna málsins og vistaður í fangageymslu.

Lögregla sinnti einnig tveimur tilkynningum um þjófnaði úr verslunum. Annar þjófnaðurinn var tilkynntur í Árbænum og hinn Mosfellsbæ. Bæði málin voru afgreidd á vettvangi.

Þá stöðvaði lögregla ökumann í Mosfellsbæ. Við nánari athugun kom í ljós að viðkomandi hafði verið sviptur ökuréttindum. Málið var afgreitt á vettvangi.

Auk þess sinnti lögregla almennu eftirliti og aðstoð á höfuðborgarsvæðinu á tímabilinu.