Flugvél sem var með 242 farþega innanborðs hrapaði nálægt flugvellinum í Ahmedabad á Indlandi stuttu eftir flugtak í morgun.

Vélin, sem var á leið til London, virðist hafa hrapað í íbúðabyggð.

Yfirvöld á Indlandi segja að allavega einn farþegi sem var um borð hafi komist lífs af. Lögreglan í í indversku borginni Ahmedabad segir að rúmlega 200 hafi nú þegar fundist látnir. Aðeins einn á lífi, og sá er fertugur bresk-indverskur karlmaður, sem ber nafnið VishWash Kumar Ramesh, og býr hann í London.

Á meðal hinna látnu voru fimm læknanemar og nærri 50 til viðbótar særðust er hluti vélarinnar hafnaði á skólabyggingu og talið er að margir hinna særðu væru í lífshættu og óttast er að fleiri fyndust undir brakinu.

Vélin var frá flugfélaginu Air India, sem er nýjasta samstarfsflugfélag Icelandair og gert er ráð fyrir því að samningur flugfélaganna tveggja taki gildi á komandi vikum.