Karlmaður á fimmtugsaldri hefur verið úrskurðaður í áframhaldandi gæsluvarðhald til 2. september vegna rannsóknar á andláti karlmanns á sjötugsaldri sem fannst látinn á heimili í Kópavogi um síðustu helgi.

Frá þessu greinir Lögreglan á höfuðborgarsvæðinu í tilkynningu.

Maðurinn kom fyrir Héraðsdóm Reykjaness í dag, þar sem fallist var á kröfu lögreglu um að framlengja gæsluvarðhald hans um fjórar vikur á grundvelli almannahagsmuna.

Hann var handtekinn í síðustu viku og úrskurðaður í gæsluvarðhald til 5. ágúst. Með úrskurði dagsins verður hann áfram í haldi til 2. september.

Lögreglan rannsakar andlát karlmanns á sjötugsaldri sem fannst látinn á heimili í Kópavogi um þar síðustu helgi.

Að svo stöddu veitir lögregla ekki frekari upplýsingar um málið.