Matvælastofnun varar við neyslu á einni framleiðslulotu af SHAN WAI SHAN Matcha Green Tea eftir að í ljós kom að varan inniheldur of hátt magn af áli.

Varan var flutt inn af Kína Panda ehf., sem hefur innkallað hana í samráði við Heilbrigðiseftirlit Suðurnesja.

Tilkynning um vöruna barst íslenskum yfirvöldum í gegnum evrópska hraðviðvörunarkerfið fyrir hættuleg matvæli og fóður.

Innköllunin nær eingöngu til eftirfarandi framleiðslulotu:

• Vörumerki: SHAN WAI SHAN
• Vöruheiti: Matcha Green Tea
• Lotunúmer: NL-02-250312
• Best fyrir: 12. mars 2028
• Nettómagn: 80 grömm
• Framleiðandi: Fujian Blue Lake Foods Co.
• Framleiðsluland: Kína

Varan var seld hjá Kína Panda ehf. að Hafnargötu 90 í Reykjanesbæ.

Matvælastofnun biðlar til neytenda sem hafa keypt teið að neyta þess ekki heldur farga því eða skila því aftur í verslunina.