Heimir Örn Haraldsson hefur verið aftur dæmdur fyrir umsáturseinelti en málið var tekið fyrir í Héraðsdómi Reykjavíkur.

Hann var ákærður fyrir umsáturseinelti, með því að hafa miðvikudaginn 14. maí 2025, tvívegis sett sig í samband við konu með því að senda henni tvær vinabeiðnir á samfélagsmiðlinum TikTok og með því að hafa tvívegis sent sambýliskonu hennar vinabeiðni á samfélagsmiðlum, annars vegar á TikTok sunnudaginn 18. maí 2025 og hins vegar á Instagram fimmtudaginn 22. maí 2025, en háttsemin var til þess fallin að valda konunni kvíða eða hræðslu enda hafði ákærði áður sætt nálgunarbanni gagnvart henni og hlotið dóm fyrir umsáturseinelti gagnvart henni

Hann var einnig ákærður fyrir umsáturseinelti með því að hafa í tvígang ekið bíl um bifreiðastæði við vinnustað konunnar.

Hann játaði sök í málinu og kemur fram í dómnum að hann hafi haft þráhyggju fyrir fórnarlambi sínu í 14 ár. Athygli vekur að dómarinn setur út á að þessi brot hans hafi ekki verið hluti af ákærunni þegar hann var síðast dæmdur fyrir umsáturseinelti. Er dómurinn nú því hegningarauki við þann eldri.

Niðurstaðan er þá sú að Heimir Örn Haraldsson sæti fangelsi í tíu mánuði en frestað er fullnustu sjö mánaða refsingarinnar og falli hún niður að liðnum þremur árum frá uppkvaðningu dóms þessa haldi ákærði almennt skilorð.

Þá þarf að hann greiða fórnarlambi sínu 250 þúsund krónur í miskabætur og 200 þúsund krónur í málskostnað.