Helgi Ólafsson, rafvirkjameistari á Raufarhöfn, lést á Dvalarheimilinu Hvammi 27. október, 97 ára að aldri.
Morgunblaðið greindi frá andláti hans.
Helgi fæddist á Raufarhöfn 31. maí 1929 og ólst þar upp. Hann lauk sveinsprófi í rafvirkjun árið 1950 og hlaut meistararéttindi fimm árum síðar. Hann starfaði við rafvirkjun alla starfsævina, meðal annars fyrir Síldarverksmiðjur ríkisins og SR-mjöl, auk þess að starfa sjálfstætt fram á efri ár.
Helgi tók virkan þátt í samfélaginu á Raufarhöfn, sat lengi í sveitarstjórn, var virkur meðlimur í Sjálfstæðisflokknum og gegndi starfi slökkviliðsstjóra. Hann var jafnframt mikill veiðimaður og listamaður.
Helgi var sæmdur riddarakrossi hinnar íslensku fálkaorðu árið 2021 fyrir framlag sitt til atvinnulífs, lista og menningar í heimabyggð. Eftirlifandi eiginkona hans er Stella Borgþóra Þorláksdóttir. Þau eignuðust sex börn.
