Afi og amma Émile Soleil, sem hvarf fyrir nærri tveimur árum, hafa verið handtekin grunuð um morð.
Hinn tveggja ára gamli Émile Soleil hvarf úr garði afa síns og ömmu í Le Haut-Vernet, smáþorpi í frönsku Ölpunum í júlí 2023. Níu mánuðum síðar fundust líkamsleifar hans af göngumanni nærri þorpinu.
Nú hefur hin langa rannsókn á dauða barnsins tekið á óvænta stefnu, þar sem fjórir einstaklingar, þar á meðal afi og amma Émile og tvö fullorðin börn þeirra, hafa verið handtekin.
Hvarf Émile vakti mikla athygli í Frakklandi þar sem umfangsmiklar leitir báru engan árangur. Foreldrar hans voru ekki á svæðinu daginn sem hann hvarf. Á þeim tíma sögðu þau í viðtali við kristna vefsíðu að þau héldu enn í vonina um kraftaverk.
Málið vakti einnig mikla fjölmiðlaathygli sérstaklega í tengslum við afa hans sem var yfirheyrður af lögreglu á tíunda áratugnum vegna meintra ofbeldis- og kynferðisbrota í einkaskóla. Hins vegar höfðu lögregluyfirvöld aðeins litið á hann sem eina mögulega skýringu á harmleiknum.
Fyrr í þessum mánuði sneru rannsakendur aftur til Le Le Haut-Vernet, þar sem réttarfræðiteymi leitaði á „nokkrum stöðum á svæðinu.“ Saksóknari í málinu hefur staðfest að rannsókn málsins haldi áfram, og að búast mætti við frekari þróun í því.
