Jeremy Corbyn, fyrrverandi leiðtogi Verkamannaflokksins breska, segir árásir Ísraela á Íran ógna öryggi mannkynsins, í nýrri Facebook-færslu.

„Heimurinn hefði getað stöðvað þjóðarmorðið á Gaza.

Í staðinn leyfðu ríkisstjórnir, þar með talin okkar eigin, Ísrael að haga sér algjörlega refsilaust.
Hinar ábyrgðarlausu loftárásir Ísraels á Íran eru afleiðing þessarar refsileysis. Þær eru skammarlegt dæmi um algert getuleysi alþjóðlegrar forystu. Og þær ógna öryggi mannkynsins um allan heim.“

Þannig hefst færsla Jeremy Corbyn frá því í morgun. Þar segir hann segir að ríkisstjórn Bretlands þurfi að vakna og hætta að vera samsek þjóðarmorði Ísraela. Segir hann að aðeins þannig sé hægt að draga úr spennunni strax og koma í veg fyrir kjarnorkustríð.

„Ríkisstjórn okkar þarf að vakna, hætta að vera samsek í stríðsglæpum Ísraels og standa vörð um alþjóðalög.

Þannig getum við dregið úr spennu án tafar, stöðvað þjóðarmorðið og komið í veg fyrir að heimurinn sogist út í hörmulegt kjarnorkustríð.

Við erum öll mannverur á einni plánetu. Er það ekki næg ástæða til að reyna að skapa friðsaman heim?“