Lögreglan á höfuðborgarsvæðinu er með mál til rannsóknar eftir að þrjár kannabisræktanir voru stöðvaðar á mismunandi stöðum á suðvesturhorni landsins nýlega.

Lögregla hefur framkvæmt átta húsleitir í tengslum við rannsóknina og lagt hefur verið hald á tæplega 800 kannabisplöntur, ásamt nokkru magni annarra fíkniefna, fjármuna og búnað til ræktunar.  Ræktanirnar voru nokkuð stórar og er það mat lögreglu að í öllum tilvikunum hafi efnin verið ætluð til sölu og dreifingar. Átta manns  hafa verið handtekin og yfirheyrð í þágu rannsóknarinnar sem miðar vel. Embættið naut aðstoðar lögreglunnar á Suðurnesjum og lögreglunnar á Suðurlandi við aðgerðir í málinu.

Ekki verða frekari upplýsingar veittar að svo stöddu.