Lyfja hefur gert samkomulag um að kaupa rekstur Borgar Apóteks í Borgartúni af lyfjafræðingnum Einari Birgi Haraldssyni. Kaupin eru háð samþykki Samkeppniseftirlitsins.

Karen Ósk Gylfadóttir, framkvæmdastjóri Lyfju, telur að með þessum kaupum skapist mikil tækifæri sem muni styrkja áframhaldandi uppbyggingu fyrirtækisins. Hún segir að með yfirtökunni verði hægt að efla þjónustu á sviði heilsutengdra vara enn frekar.

„Borgar Apótek hefur byggt upp öflugan rekstur og sinnt faglegri þjónustu í sínu nærumhverfi undir stjórn Einars Birgis. Við hjá Lyfju munum áfram leggja áherslu á persónulega þjónustu og hlökkum til að byggja ofan á þann góða grunn sem hefur verið lagður í Borgar Apóteki,“ segir Karen Ósk.

Borgar Apótek var stofnað í nóvember 2013 af Einari Birgi Haraldssyni, sem hefur verið eini eigandi þess frá upphafi. 

Tilkynnt var um það í febrúar að Lyfja hafi keypt Jurtaapótekið.