Lögregla var kölluð til vegna ölvaðs manns sem var að berja hús að utan en greint er frá þessu í dagbók lögreglu. Samkvæmt upplýsingum frá lögreglu hafði áður verið reynt að ræða við manninn og róa hann niður, en án árangurs. Var hann í kjölfarið handtekinn og vistaður í fangageymslu vegna ástands síns.

Þá handtók lögregla ökumann sem grunaður er um akstur undir áhrifum áfengis. Var hann látinn laus að loknu hefðbundnu ferli lögreglu.

Auk þess voru tveir ökumenn handteknir grunaðir um akstur undir áhrifum bæði fíkniefna og áfengis. Mál þeirra eru nú í rannsókn hjá lögreglu.