Magnús Björn Haraldsson hefur verið dæmdur í fangelsi af Héraðsdómi Reykjavíkur fyrir ofbeldisbrot en dómur þess efnis birtist fyrir stuttu.

Hann var ákærður fyrir líkamsárás með því að hafa, aðfaranótt sunnudagsins 11. ágúst 2024, innandyra á skemmtistað í Reykjavík, veist með ofbeldi að manni og slegið hann í andlitið með krepptum hnefa, með þeim afleiðingum að hann rotaðist og hlaut lítið sár á hægri kinn og roða yfir kinnbein, mar og eymsli yfir vinstri olnboga og mar yfir hægri hluta hægri framhandleggjar og úlnliðs fram á hönd litla fingurs megin.

Magnús mætti ekki í réttarhöldin en samkvæmt sakarvottorð var þetta ekki fyrsta brot hans en hann hafði verið dæmdur fyrir líkamsárás árið 2007 og fyrir kókaínsmygl árið 2012.

Hann var dæmdur í 30 daga fangelsi en dómurinn er skilorðsbundinn til tveggja ára. Þá þarf hann að greiða fórnarlambi sínu 300.000 krónur með vöxtum í miskabætur 200.000 krónur í málskostnað.