Matvælastofnun varar neytendur við Snikkers Brownie frá bakaríinu 17 Sortum þar sem jarðhnetur og hveiti voru ekki tilgreind sem innihaldsefni á umbúðum. Fyrirtækið hefur í samráði við Heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarnes ákveðið að innkalla vöruna.

Um er að ræða eftirfarandi framleiðslulotu:

• Vörumerki: 17 Sortir
  
• Vöruheiti: Snikkers brownie/snikkersbitar
  
• Framleiðandi: 17 Sortir
  
• Best fyrir dagsetning: 23.08.25
  
• Strikanúmer: 5694230600434
  
• Dreifing: Verslanir Hagkaups á höfuðborgarsvæðinu
  

Neytendur sem eru með ofnæmi fyrir jarðhnetum eða hveiti eru sérstaklega hvattir til að neyta ekki vörunnar. Þeir geta annaðhvort fargað henni eða skilað henni í verslun Hagkaupa í Smáralind og fengið endurgreitt.