Lögreglan á höfuðborgarsvæðinu hafði í nógu að snúast í gærkvöldi og í nótt en fjöldi útkalla barst vegna ýmissa brota og óláta víðs vegar um höfuðborgarsvæðið. Meðal annars voru nokkrir ökumenn handteknir vegna gruns um akstur undir áhrifum áfengis og fíkniefna.

Í miðborginni, voru tveir aðilar handteknir fyrir brot á lögreglusamþykkt. Þá var einn aðili handtekinn fyrir brot á áfengislögum á sama svæði. Einnig var ökumaður rafmagnshlaupahjóls handtekinn eftir að hafa ekið á bifreið í hverfinu. Þá voru tveir aðilar handteknir vegna líkamsárásar í miðbænum borgarinnar

Í Kópavogi var ökumaður handtekinn fyrir ölvunarakstur eftir að hafa ekið bifreið sinni á byggingu. Engar upplýsingar liggja fyrir um meiðsli eða umfang tjóns.

Þrír ökumenn til viðbótar voru handteknir vegna gruns um ölvunar- og/eða fíkniefnaakstur á höfuðborgarsvæðinu. Þar af var einn handtekinn í Breiðholti vegna ölvunaraksturs og annar í Mosefellsbæ af sömu ástæðu. Sá síðarnefndi gerði hins vegar þau mistök að taka á hús.

Þá var ökumaður handtekinn í Árbæ eftir stutta eftirför lögreglu. Við athugun kom í ljós að hann var grunaður um akstur undir áhrifum vímuefna auk þess að vera sviptur ökuréttindum.

Einnig var tilkynnt um innbrot í heimahús í Garðabæ.