Ökumaður missti stjórn á bifreið sinni við verslunarkjarnann Kaupang við Mýrarveg á Akureyri um klukkan fimm síðdegis í gær að því er fram kemur í frétt Akureyri.net. Bíllinn fór upp á gangstétt og hafnaði á glerhurð við hlið inngangs að Akureyrarapóteki.

Hurðin liggur að inngangi fyrirtækis á efri hæð hússins, en enginn var þar á ferli þegar óhappið varð þar sem apótekið hafði þegar lokað. Engin slys urðu á fólki.

Bifreiðin skemmdist mikið í árekstrinum og var fjarlægð af vettvangi með dráttarbíl.